AI-рэдактар, магутныя галасаванні, жывыя фота, боты кіруюць ботамі і шмат чаго яшчэ

У сённяшнім абнаўленні мы прадстаўляем AI-рэдактар, які можа перакласці, змяніць або выправіць ваш тэкст усяго за два націскі, новыя магчымасці для галасаванняў – як, напрыклад, дастасаванне медыя і прапанова новых адказаў для актыўных апытанняў, падтрымку жывых і рухомых фота ва ўсіх праграмах; ботаў, якія могуць ствараць і кіраваць іншымі ботамі — і шмат чаго яшчэ.

AI-рэдактар

Tribal: Чароўныя словы выпраўляюць дрэнную гаворку. Чароўныя словы змяняюць стыль. Чароўныя словы мяняюць мовы. Духі дапамагаюць. Агні захоўваюць сакрэт. Усе ў бяспецы ў пячоры Кокана.

Панэль паведамленняў цяпер мае ўбудаваны рэдактар, які можа імгненна выпраўляць правапіс, перапісваць ваш тэкст у іншым стылі або перакладаць ваша паведамленне на іншую мову — усё гэта на аснове мадэляў штучнага інтэлекту з адкрытым зыходным кодам.

Тэкставы рэдактар прапануе розныя стылі, такія як Formal, Short, Tribal, Corp, Zen, Biblical і Viking — якія вы можаце выкарыстоўваць, каб зрабіць вашу камунікацыю больш эфектыўнай або дадаць жартоўную нотку ў размовы.

Тэкставы рэдактар таксама дазваляе вам дадаваць стыль падчас перакладу тэксту — каб вы гучалі як замежная каралеўская асоба або шматмоўны манах.

Як і ўсе функцыі штучнага інтэлекту Telegram, тэкставы рэдактар выкарыстоўвае сетку Cocoon, каб забяспечыць поўную прыватнасць сваіх карыстальнікаў. Запыты апрацоўваюцца ў канфідэнцыйным асяроддзі з нулявым доступам да даных карыстальнікаў.

Пры напісанні паведамлення націсніце на значок «AI», які з'явіцца над кнопкай «Адправіць» пасля таго, як вы ўвядзеце больш за 3 радкі тэксту.

10+ новых функцый для галасаванняў

Viking: Мы выкавалі безліч новых відаў зброі для арсенала апытанняў, уключаючы магчымасць прывязваць медыя да пытанняў і варыянтаў адказаў, як золата да пояса ваяра. Клянуся молатам Тора, простыя руны налад даюць воіну бясконцае багацце камбінацый!

Мы дадалі шмат новых функцый для галасаванняў — вось што цяпер можна рабіць:

• Далучаць медыя або месцазнаходжанні да пытанняў і варыянтаў адказу.
• Дадаваць апісанне для кантэксту.
• Дазваляць карыстальнікам прапаноўваць новыя варыянты у актыўных апытаннях.
• Паказваць, хто прагаласаваў побач з кожным варыянтам.
• Адключаць паўторнае галасаванне для фіксаваных вынікаў.
• Змешваць варыянты для кожнага карыстальніка.
• Усталёўваць часавыя абмежаванні для апытанняў.
• Хаваць вынікі да заканчэння часу.
• Праглядаць вынікі без галасавання як стваральнік.

Спрошчаныя налады таксама дазваляюць ствараць новыя тыпы віктарын – напрыклад, з дазволеным паўторным выбарам адказу або з некалькімі правільнымі варыянтамі на выпадак, калі праўда аказваецца складанай.

А калі вы ствараеце апытанне з бачнымі галасамі ў суполцы, то кожны раз, калі нехта адкажа, вы будзеце атрымліваць апавяшчэнне, у якім будзе пазначана, за які варыянт аддаў голас карыстальнік.

Цяпер як закрытыя, так і актыўныя галасаванні адлюстроўваюцца ў асобнай укладцы на профілях суполак і каналаў — таму лёгка знайсці, дзе цяпер трэба прагаласаваць, або прагледзець вынікі мінулых апытанняў.

Жывыя і рухомыя фота

Biblical: Вось, усе пасланцы Telegram цяпер атрымалі дар малюнкаў, што рухаюцца і ажываюць. Бо, як напісана: «Вочы — гэта свяціла цела», і цяпер яны ўбачаць жыццё ў нерухомасці.

Цяпер Telegram натуральна падтрымлівае жывыя фота на iOS і рухомыя фота на Android — таму карыстальнікі могуць дасылаць фота з цыклічным прайграваннем, якія можна праглядаць у любой праграме Telegram.

Адпраўнік можа выбраць з 3 розных стыляў у рэдактары медыя: Жывы, Паўтор і Адскок. Жывы прайграе фота адзін раз пры адкрыцці, Паўтор пастаянна прайграе, а Адскок будзе прайграваць наперад і назад у цыкле.

Каб адправіць жывое фота, націсніце кнопку «Live» у верхнім куце рэдактара медыя і выберыце стыль.

Кіраваныя боты

Corp: Боты Telegram цяпер атрымалі магутную новую магчымасць ствараць, разгортваць і маштабаваць уласныя сеткі ботаў! Гэты стратэгічны паварот дае магчымасць кожнаму візіянеру выкарыстоўваць трансфармацыйны патэнцыял штучнага інтэлекту, забяспечваючы лёгкі запуск інавацыйных рашэнняў ботаў без неабходнасці пісаць код.

Цяпер карыстальнікі могуць ствараць уласных персаналізаваных ботаў усяго за некалькі націскаў. З апошнім абнаўленнем Telegram Bot API боты могуць ствараць і кіраваць іншымі ботамі ад вашага імя.

Гэта дазваляе кожнаму выкарыстоўваць AI-ботаў для лёгкай распрацоўкі і запуску свайго ўласнага бота — без неабходнасці праграмавання.

Сканер дакументаў на iOS

Zen: Цяпер у Telegram ёсць інструмент, які ператварае камеру ў пэндзаль, што малюе PDF-сканы любога дакумента. Настаўнік калісьці спытаў: калі ліст адсканаваны, ці шэпча ён яшчэ ветру?

Telegram для iOS цяпер дазваляе карыстальнікам ствараць сканы дакументаў з дапамогай камеры тэлефона — і можа злучаць некалькі малюнкаў у адзін файл.

Сканер дакументаў імгненна выдаляе фон, абразае выяву і канвертуе яе ў фармат PDF. Падчас сканавання вы можаце націснуць на выяву, каб наладзіць скан уручную — напрыклад, змяніць мяжу, дадаць фільтр або павярнуць відарыс.

Каб адсканаваць дакумент, адкрыйце меню ўкладанняў і выберыце Файл > Сканіраваць дакумент.

Папярэджанне пра неафіцыйныя праграмы

Афіцыйныя праграмы Telegram з'яўляюцца поўнасцю адкрытымі з правяраемымі зборкамі і пратаколамі шыфравання — для максімальнага даверу і празрыстасці.

Telegram таксама дае платформу для незалежных распрацоўшчыкаў, каб ствараць староннія версіі праграмы Telegram. На профілях карыстальнікаў старонніх праграм з'яўляецца новае папярэджанне аб бяспецы — якое паведамляе іншым, што паведамленні, адпраўленыя ім, могуць быць менш бяспечнымі.

Так сканчаем мы навіны гэтага дня; але неўзабаве вернемся з яшчэ большымі цудамі — бо праца чалавека пад Госпадам нашым ніколі не сканчаецца.

31 сакавіка, 2026
Каманда Telegram